• Transcribe
  • Translate

Sermones de Tempore

f019-Recto

More information
  • digital collection
  • archival collection guide
  • transcription tips
 
Saving...
suis. Unde peccatum meum coram me est semper. Voluit enim dauid uigilare et peccatorum flectibus abalare ne uigilaret iugum iniquitatis in manu domini. Unde et orabat. Auerte faciem tuam a peccatis meis. quasi diceret. Nolo peccata mea in manu tua uigilent ad uindictam. Set ego contra peccata mea uigilabo. et fletibus purgabo et confitebor aduersum me in iusticiam. et fasciculos peccatorum colligatos in confessione reuoluam. ne iniquitates conuolute et iacentes in collo meo me deprimant ne uirtus me sic infirmetur onus graue iniquitatis non possim excutere de quo non potero surgere. peccatum autem non solum onerando deprimit set etiam incarcerando circumstat. unde in trenis iii. Conclusit uias meas lapidibus quadris semitas meas subuertit concluduntur me peccatoris ne redeat ad dominum peccatis propriis quiasi lapidibus quadris. habent enim peccata quadraturam suam. unde Johel. residuum eruce comedit locusta. residuum locuste comedit brucus. residuum bruci comedit rubigo. Eruca animal hispidum est. humi serpens. infinitis superfluitatibus obuolunt mentem exprimit que terrena et superflua cogitando humi serpit et superuacius cogitationum fantasmatibus inuoluta sedatur locusta uolatu leuis etiam dura corrodens effrenate lingue siginficat leuitatem. que etiam ardua et sancta morsu temerario non dubitat attemptare. Brucus totus uentre est et significat insaciabilem bonorum temporalium appetitum. Rubigo que est aura noxia in segetibus prouenit ianis glorie flatum. et humani fauoris appetentiam demonstrat. igitur si cogitationes terrene sine numero sicut pili erucam miseram mentem obsident. Si sermo fuerit spernitiosus et noxius ut morsus locuste. Si cor uelud brucus insaciabilis in secularibus desideriis semper efuriat. Si animus tactus rubigine in humanis laudibus euanescat dicere potest anima quem concluse suunt uie sue. lapidibus quadris. Cum autem cursorem oporteat expeditum esse ab omni onere. Nemo enim cursum facturus humeros suos honerat plumbo. deponamus et nos omne pondus et totum iniquitatis plumbum quod nos deprimit. et quia qui currere debet in stadio non se claudit in carcere. deponamus et nos circonstans peccatum quod concludit uias nostras. et ne curramus nos incarcerat. et sic expediti curramus propositum nobis certamen [[strikethrough]] propositum nobis certamen [[/strikethrough]]. propositus est nobis cursus bonorum operum. propter celeste premium. Set iste cursus certamen est. cum seon rege amorreorum qui occurrit filiis Israel uolentibus transire per regnum suum. sub certis conditionibus sicut habetur in numeris. xxi. Misit autem Israel nuntios ad seon regem dicens. obsecro ut transire liceat per terram tuam. et secuntur conditiones. Non declinabimus in agros et uineas. non bibemus aquas ex puteis. via regia suidiemur donec transeamus terminos tuos. qui concedere noluit. set potius exertitu congregato egrissus est obuiam. Seon Rex amoreorum significat diabolum. Nam seon interpretatur germinatio temptationis. et ab hoste maligno semper geminat nobis temptationem. Infestatio qui est res amoreorum id est amaricantium amaricantes sunt quibus deus dulcis amaritudinem sapit qui inebriati absintio peccati perdiderunt gustum. Nam amato palato nichil dulce sapit dulce domine suam hic itaque est princeps mundi huius pro cuius regnum transire uolunt uiri iusti set sub conditionibus permissis diabolis autem non uult habere transitores. set mansionarios et in mundo per amorem radicatos. dicunt filii Israel et uiri iusti. non transibimus per agros tuos. o tu seon. hii sunt agri maledicti in monte gelboe ubi abiectus est clipeus fortium sicut habetur in regum. id est montes gelboe nec ros nec [[pluma?]] ueniant super uos. neque sunt agri primitiarum quia abiectus est clipeus fortium. Montes gelboe id est montes lubrici sunt superbe altitudines huius seculi lubrice in ruinam et descensum peccati. qui montes in hoc sunt maledicti. quod in ipsis [[strikethrough]] cadit pluma [[/strikethrough]] non cecidit ros celestis gratie. nec in ipsis cadit pluma spiritualis doctrine. Non sunt ibi agri primitiarum et bonorum operum fructus. quia omnis altitudo superba sterilis et bous fructibus carens. ibi abicitur clipeus fortium. de quo dicit apostolus ad ephesios. In [[fine?]] in omnibus tenentes scutum fidei. in quo positis omnia regla diaboli ignea extingere. Nam qui superbit in altitudine et diuitiis huius seculi fidem abiecit fides enim eligit dilectionem afflictionem et [[improperium?]]. Sicut ad hebreos xxiiii. fide moises grandis factus negauit se filie pharaonis magis eligens affligi cum populo dei quam temporalis peccati habere iocunditatem. maiores diuicias estimans thesauro egyptiorum improperium Christi dicunt etiam filii Israel ad seon. Non declinabimus in uineas tuas quia uinea diaboli et uinea sodomorum et de suburbanis gomorre. Sodoma interpretatur mura et gomorra aspera hec est mura luxurie que illum quem inebriat mutum facere in confessione et spinis replet conscientiam. Unde fel draconum uinum eorum et uenenum aspidum insanabile. fel draconum est peccatum luxurie. quod perimit castitatem. sicut draco occidit [[strikethrough]] occidit [[/strikethrough]] elefantem. per quem castitas designatur. uenenum aspidum est mentis obduratio per quem homo delectationem presentium peccatorum et dulci recordatione pretentiorum aures obtusas ad uerba predicationis. per quod notatur ut de latibulo cordis exeat per confessionem sicut aspis ad uocem incantatoris. ne uirtute carminis exire cogatur. de spelunca. aures obturat unam terra per quam significantur peccata presentia. et alteram candida per quem significantur preterita. dicunt etiam filiis Israel. non bibemus aquas de puteis uestris. aque hauste de puteis sunt diuicie defluentes que cum labore hauriuntur de lacu iniquitatis. set quando sicut dicit Ecclesiastes [[?]]. contentitur idria super fontem et rota constringitur super cisternam. Nam quandoque cum idria impleta fuerit aquis frangitur. itaque non bibit qui impleuit. et qui situlam extraxit in rota ad os putei dum rota frangitur. relabente situla sitibundis remanet. Sic frequenter multis laboribus exquisite diuine cumuentum est adurendum. aut aliquo casu dispergentur et pro spe fortune frangitur rota. aut humane fragilitatis ydria conteritur et pereunt ipse diuicie in afflictione maxima. et merore cordis Non enim deseriunt sine labore quod possidetur cum amore. Volunt igitur uiri sancti sic transire per mundum ut non declinent in agros steriles et maledictos superbe altitudinis. nec declinent ad uineas inebriantes carnis libidine nec bibant aquas de iniquitatis puteo set uolunt transire regia uia incedentes per uiam que est Christus. sine declinatione ipsius inherendo Christi preceptis et quem obsistit seon id est diabolus et malignorum spirituum exercitus ideo cursus noster dicitur certamen. Curramus igitur cursum huius certaminis respicientes in auctorem fidei Iesum qui exultauit ut gigas ad currenda unam laboriosum et arduum est terruano currere. per gigantem et tamen currendum est propter hec solue per confessionem uincula colli tui. captiua filia sion. tolle pondus carnium. pondus carnalis amoris. ne sis sicut structio qui modicum plumarum habens et plurimum carnium uolare non potest. Sequitur. Qui etiam agone contendat ab omnibus se abstinet. Attendite ergo negrauentur corda uestra in crapula et ebrietate et in curis huius seculi abstinendum est enim de omnibus que uictoriam possunt impedire. hec autem sunt crapula. luxurie ebrietates superbie. et sollicitudines auaricie. Si enim illi qui expectant coronam corruptibilem. ab hiis abstinent que ipsos impediunt. multo magis et nos abstinere debemus qui expectamus incorruptam coronam scilicet stellarum xii. unde in apocalypse xii. mulier erat amicta sole et luna. Sub pedibus eius in capite eius corona stellarum xii. Luna que deficit in lumine mundum significat. Sol cuius splendor nascit defectum. significat Christum. Si ergo calcemus lunam sub pedibus mundana desideria uilipendentes ut lutum. si exemplis et doctrina Christi uelud radiis uestra fuerimus. habebimus coronam stellarum xii. uidelicet iiii.or dotes corporis qui sunt agilitas subtilitas. incorruptabilitas. claritas. habebimus et v. sensuum qui nunc esuriunt sacietatem ecclesiasticus xxiiii. qui adimplet quasi eufrates sensum. Tunc enim dominus. v. sensuum uacuitatem et esuriem mirabili sacietate adimplebit. habebimus etiam et iii. anime exultationes qui significantur per uuam et ficum er malogranatum. fructus quos exploratores a moyse missi attulerunt de terra promissionis. per ficum significatur dulcedo mentis in contemplatione deitatis per uuam
 
Early Manuscripts